...الحقنا يا بيه.......
لما حسينا با السقعه....
وداقت علينا الشوارع الواسعه .....
دخلنا الحوش الجوانى ....
ولمتنا الحصيره العبد ا نى ...
هنكتبلك جواب يا بيه ....
لما يو صلك ..تجينا طوا لى ....
الحق البلد يا سعادة البيه .....
وابور الطاحين قفلوه والجوع حط عليه ...
النور زاحوه فى البير ....
والنسوان اما تعدد حوا ليه ....
معلهش......
الجواب مكتوب بحس واطى ....
والكلام مخنوق بعياطى ...
وكما ن عا يزينا نطا طى ....
اما ل اييييييه ......
السجر بقيت ضلته كد ابه ....
وسنيورة البلد فا كرها ....
اشتغلت ندا به ....
وجنا ين الدوار ...بقيت خرا به .....
وأهل بلدنا يا باشا ....غلا به ...
....................................................
احنا قمنا لقينا الفجر شارب بيا ضه ......
والآ دان ...نسى ميعا ده .....
الحما م...هج ...هدولو ابرا جه ....
واهو رجع زى الغربا ن ...معكر مزاجه ....
لموا البيوت فى قفه ...ورموها ع (الحيار )....
رمحنا با المشوار ..غطينا ها بشوية خضار....
برضوا ولاد ال ...........
فتحوا علينا قوا ديس العفار .....
طااااار الخضار ولا جااااش ...
( مش هنقدر نكتبلك تا نى )....
كن الباب اما يند ا س ....
والكلام ...عاد ما يسواش ....
يا تلحقنا ........
يا متلحقناااااااش ......
............ شعر عاطف عبد العظيم المنشا وى
ليست هناك تعليقات:
إرسال تعليق