- برسمك
- برسمك طرحه بفرحه ف ليلة العمر
- بنت شابة فاق جمالها البنات السمر
- برسمك ضحكة فى وسط بحر القهر
- برسمك مركب جوه شلال نهر
- برسمك ضى ف سكه طول سفرها الدهر
- مصر يا اغلى واحلى كل شىء ف العمر
- بس غايتى فيكى صبرى رغم مر الصبر
- كل شىء فيكى بعيد او يكون بالامر
- مافى شأن لابنك الرشيد ولا فى نصر
- والفقير فيكى يا مصر معصور عصر
- وابن أوى ينهبك اما عيشته ف قصر
- رغم عشقى فيكى لكن حسرتى ع الشر
- اللى مرفوع ف سماكى خلا شتاكى حر
- واللى يشوى للولاد فوق نيران الجمر
- واللى يسجن فيكى كل رأى وحر
- امتى ييجى يوم والحق يلقى راية نصر
- مصطفى قمر
الاثنين، 13 مارس 2017
برسمك /// بقلم الشاعر مصطفي قمر
الاشتراك في:
تعليقات الرسالة (Atom)
ليست هناك تعليقات:
إرسال تعليق