...هروب ./// بقلم الشاعرعاطف عبد العظيم المنشاوى
- .............هروب .....................
- من تحت حوافى الليل النا شفه .....
- بنلحس طعم النوم.......
- وبنحفر فى العتمه طريق للضى......
- ما لت كل خطوط الصح .....ووقفت ف الممنوع.....
- وترس الايا م الداير عمال بيعض ف لحم العمر .....
- عقربت الموت كامشه ف عقب الباب.......
- الضحك اتغبر بتراب ....
- واتنفض على وش الناس ف الشارع ....
- الكل أهو ماشى ....ورا لنضه كفيفه......
- بتتعكز على ضل فراغ ......
- طوابير بتكسح على ضهر امشير .....
- زعابيره بتشلح ف هدومنا......
- اشوفنى من جوه ..........
- يااااااااااه اتارينى مليان كركيب .....
- بواقى صراخ ......كسر سكات .....ومطبات .....
- تزغزغنى النكته القهرانه .......
- تسحبنى فى سيجاره......
- ابان وسط الدخان وانا بضحك ....
- بضحك بعياط .......اخاف ...
- بسرعه ...اقفلنى واطلع منى .....
- واخل فى قصيده .......
- .............جديده.....
- ********************************************************
- مع تحياتى /
عاطف عبد العظيم المنشاوى
ليست هناك تعليقات:
إرسال تعليق