- قالوا لى صبارك طلََع له ورد
- قُلت وضَع لمَرارُه حد
- ولا إتحول زى كتير من ناس
- الشوك فى القلب
- ووقت يقابلك الضحكة بوجهه ممدودة مد
- ووقت تعاتبه دموع تماسيح فوق الخد
- وبرائة طفل يقدر يرسمها
- لكن يظهر من جواه
- خبس وغدر يفوق الحد
- عمر الأرض ما تطرح شوك من غير زرعه
- عمر القلب ما يصفَى لقلب لو يوم خَدعه
- زى الشوك لو شخص وباعك
- مد إيديك وتكون قالعُه
- عمر الشوك ما يطلع ورد
- نَقِى الناس ونَقِى إصحابك
- مش بالكثرة ولا بالعد
- قالوا لى صبارك طلع ورد
- ...............................................
- د.هشام الفقى
الاثنين، 17 أبريل 2017
قالوا لى صبارك طلََع له ورد /// بقلم د.هشام الفقى
الاشتراك في:
تعليقات الرسالة (Atom)
ليست هناك تعليقات:
إرسال تعليق