- من خواطرى عن الدنيا :-
- ءءءءءءءءءءءءءءءءءءء
- اوعاك تقول :
- ياريتها كانت او تكون
- عيشها كيف ماتكون
- اوعاك تغرك ألوانها
- كدابة على كل لون
- ياما قبلك طمعوا فيها
- طول وعرض
- جريوا فيها
- طمعوا فى كل ما فيها
- وفى النهاية
- حفرة فى التراب
- ناموا فيها
- رجعوا زى ماجم
- م التراب .. وللتراب
- من غير اهل
- من غير صاحب
- كل واحد وعمله
- كل واحد فى ايده كتاب
- بشماله .. بيمينه
- مكتوب إللى له
- مكتوب إللى يدينه
- لا يماطل ولا يجادل
- واقف قدام الحكم العادل
- الماضى هايشوفه جديد
- كأنه لسه حاصل
- بصره يوميها حديد
- مالهش عذر وأصل
- مفيش لا ظلم ولا جور
- ولا قولة بهتان ولا زور
- قدامه طريقين
- مالهمش تالت
- جنة .. او نار
- لفين كفته مالت
- عمله هو إللى هايختار ...!!
- "حسام فكرى"
الأربعاء، 12 أبريل 2017
من خواطرى عن الدنيا /// بقلم الشاعر "حسام فكرى"
الاشتراك في:
تعليقات الرسالة (Atom)
ليست هناك تعليقات:
إرسال تعليق