- قصيده بعنوان...... يابهانه
- يابهانه حنى عليا
- يابهانه حسى شويه
- ريحى قلبى فى هواكِ
- عاشقك دايب فى سماكِ
- يامغلبه قلبى معاكِ
- على مهلك حبه عليا
- .....................
- جايلك ومعايا خروفى
- حسى يابهانه بظروفى
- جربى بكره وهتشوفى
- ان انتِ غاليه عليا
- ..................
- حضرت المهر حرير
- وهاجيبلك قله وزير
- وفرحنا هيبقى كبير
- وهاجيب طبل ومزامير
- والعمده خلاص طمني
- راح اعلق رتبه غفير
- ...................
- وأمشى بسلاحى وأتبها
- وتخاف مني النداهه
- وأتمطع وانا وياك ِ
- وكأنى ياحلوه وزير
- ....................
- والصبح هاروح على شغلى
- وأما اطلع بقى من شغلى
- هاسبتلك شوقى وحبى
- نسرح ع الغيط انا وانتى
- زى الفراشات ونطير
- .....................
- ون أزأز فول وسودانى
- والدنيا معاكى تحلالى
- وتسوسوى كدا وتلالي
- زى كناريا العصافير
- .......................
- وياحلوه ف اخر الليل
- ولا كحله ولا منوكير
- تتخمدى بقى وتنامى
- دا قانون وعليكِ هيسير
- مش عايزك تبقى مناكفه
- ولا أشوف منك تكشير
- ................
- دا انا لقطه حافظي عليا
- حبينى شويه شويه
- لا أحسن راح الوف على غيرك
- وأسيب عشك وأطير.......
- هههههههههههههههههههه
كلمات..... الشاعر محمد ثروت عبدالحفيظ
ليست هناك تعليقات:
إرسال تعليق