محمد عبدالحكيم
- فرع الزيتون انحنى من زمان طار الحمام
- النجمة بالعه القمر اصحوا من المنام
- شاربة حيطان البيوت
- حارقة ورق التوت
- فارضة علينا السكوت
- النجمة فارشة الشوارع موت
- ولسانا ناصبين الصوان
- بنقبل العزا فينا
- من بن اليمن القهوة سادة
- وشالنا شاشلنا وذيادة
- وشوية تنديد مع شجب كالعادة
- والوجع والعار ندغاه السنان
- نلطم خدود فى حلقة النسوان
- متجمعين ساعة سماع الخبر
- وشوية رتوش لزوم الوشوش
- ودمعتين على اللى مات
- وكلمتين للى انصاب واللى بيحتضر
- مات الهلال فى حضن القمر
- نعى واتمدد فى خبر
- ولسانا بننشد امل
- مع ان لابكت تلال
- ولا حزن جبل
- علشان الصخورفى حالة مخاض
- هتولد فى ايدينا مليار حجر
ليست هناك تعليقات:
إرسال تعليق