- افتح حسابك القديم
- مضروب شبابك ف الهشيم
- وطرح غيابك م الحوار
- وجمع ضبابك ف العوار
- ساوى انسحابك م الخيار
- مصري عديم نور البصر
- ضايعة عينيه بين البشر
- مقطوع ايديه طالها البتر
- عايش كسيح تحت الشجر
- والنيل جريح فاقد المطر
- لا له ارض باقيه تتروى
- ولاحتى ساقيه ولا خبر
- لوغاريتم زاوية كانت حجر
- او جزر عدد ما لوش اثر
- اوروح فى ساعة بتحتضر
- افتح حسابك واعدله
- واضرب او اقسم عدله
- تطرح يساوى معدله
- تجمع يساوى معدنه
- لكن المهم تقفيل الحساب
- تقفل وراك لكل باب
- والعدل يبقى طلب مجاب#
- #مصطفىقمر
الاثنين، 17 يوليو 2017
افتح حسابك بقلم الشاعر مصطفي قمر
الاشتراك في:
تعليقات الرسالة (Atom)
ليست هناك تعليقات:
إرسال تعليق