- دمعاتا نزلوا عالخد
- قلتلا بتبكي عنجد
- قالتلي راحوا الاحباب
- بيني وبينن صار في سد
- ما عاد شوفن صعب عليّه
- ولا عاد فينا نلاقي حد
- كيف بدك ياني ما صير
- مثل اليوم المالو غد
- ---------
- قتلوا فيّه رموش الدنيه
- وعيوني اللي بشوفن فيا
- قتلوا شفافي اللي بتهللي
- قدومن كل ما طلوا عليا
- رح صوم العمر الباقيلي
- وافطر يوم الغدروا بيا
- عنجد والله عنجد
- ايامنا ما الها غد
- -----------
- كانوا بارضي زنود السمر
- من البركة طمروني طمر
- والشتويه لو ظلمتنا
- يغطوني بجفون العمر
- عنجد والله عنجد
- ما ضلّ لسيوفنا حد
- والبارودة مالا زند
- -----------
- اعدائي حواليه كتار
- اخلاقن مثل التتار
- ما بيعترفوا حتى بالله
- ولدينن صاروا نكّار
- لا شفقه ولا رحمه عندن
- لا انجيل ولا قرآن
- الانسانيه عم تنهار
- كلوا بيمسحلون جوخ
- بيثني عليهم ليل نهار
- ما ضل بها الدنيه عنا
- يورو-روبل --او دولار
- عنجد والله عنجد
- ايامنا ما الها غد
- محكي سوري----محمد قاسم ---سوريا
الأحد، 6 أغسطس 2017
دمعاتا نزلوا عالخد /// بقلم محمد قاسم
الاشتراك في:
تعليقات الرسالة (Atom)
ليست هناك تعليقات:
إرسال تعليق