- عيد سعيد
- ،،،،،،،،،،،،،،،،
- عيد سعيد ع الأحبّة
- أولاد آباء جدّات
- وللبنات والبنين
- وحبايبى الأمهات
- يارب يسعد حياتكم
- ويملاها بالأفراح
- وعامكو يصبح سعيد
- أحلى كتير م اللى فات
- ...............................
- عايز أنبّه واقول
- ما تنسوناش م الأضاحى
- أصلى فى دا الموضوع
- قاعد مفنجل وصاحى
- ولو نسيت مش هتعرف
- أنا ممكن اعمل إيه
- ما تفتكرش انّى طيّب
- أنا ممكن أشهر سلاحى
- ...............................
- دى النّوبة ما عرفت اضحّى
- بعد الجنيه ما عام
- وعلينا سنة جت كبيسة
- فى كل هذا العام
- إفرجها يا كريم علينا
- وعلى كل مسلم صدوق
- وشعب مصر يعيّد
- والأشية تبقى تمام
- جمعة عبدالجواد
الأربعاء، 30 أغسطس 2017
عيد سعيد /// بقلم جمعة عبدالجواد
الاشتراك في:
تعليقات الرسالة (Atom)
ليست هناك تعليقات:
إرسال تعليق