- إسمك بعد حروف الجر
- *********************
- إسمك كان محفور بالنور
- ويا حكاوى الناس بيدور
- كتبوا فصول رسموا قصور
- قالوا عليك أعظم إنسان أصلك طيب مش مغرور
- ردوا سلامك حفظوا مقامك جوة القلب ومش بالزور
- قالوا عيونك شط ومرسى والشاطر بيعدى بحور
- فجأة سواقى النار إتشبكت وإتفتح الباب المسحور
- فجأة سواد الوش فى توبك أصبح زى تاريخ منشور
- فجأة سلامك أصبح عار وإنكشف الوهم المستور
- شمس وظهرت فيك ملامحها باين وشك فى البنور
- بان الحلم كأنه كابوس باين شئ بإيديك مكسور
- إسمك بعد حروف الجر أصبح بالخاين مجرور
- محمد سالم
الأربعاء، 30 أغسطس 2017
إسمك بعد حروف الجر /// بقلم محمد سالم
الاشتراك في:
تعليقات الرسالة (Atom)
ليست هناك تعليقات:
إرسال تعليق