- ** يكفيني طيفك ***
- من إمتى قلبي كان فيه بديل؟
- دا أنت يا روحي ليا الدليل
- حبك في قلبي من غير نهاية
- وطيفك آسرني نهار ويا ليل
- بسهر ليلاتي وأكتب يوماتي
- وأعيش لحبك بشوق جميل
- والفرحة تسهر ف رموش عنيا
- وبصوت تنادي قلبي العليل
- وتقولي روقي و يا ريت تقوقي
- دا نور حبيبك مالهوش بديل
- والحب باقي وسط الشراقي
- عمر القسية ما هووش طويل
- وانا عمري عنك ما أقدر أميل
- لو كان ما بينا كام ألف ميل
- يكفيني طيفك ينور طريقي
- و دايما في بالي وما لك مثيل
- بنورك تضوي ليالي الظلام
- وبدرك ينور طريقي الطويل
- بقلمي وفاء جلال
الاثنين، 7 أغسطس 2017
الاشتراك في:
تعليقات الرسالة (Atom)
ليست هناك تعليقات:
إرسال تعليق