- يجيني النوم .. وباحلم بالايدين ماسكة
- بحلم جميل .. كما العصفور
- وبيعافر عشان يهرب .. يعدي السور
- ونا قافش وحاكم إيدي على ريشه
- ومن يأسه .. عينيه بتدور
- وصوته كان شجن صافي
- ف تغريدة أسى مكتوم
- عينيه الحزن ماليها
- رأيت نفسي كما العصفور
- سواد وغيوم
- حلمت بأن أنا العصفور
- ونفسي أطير
- أشوف حرية واستنشق
- زهور وعبير
- واحلق في السحاب الابيض
- واغني للسما والخير
- ولما رجعت كالعصفور
- نسيت الدمع والأحزان
- رجع قلبي الكبير عيل
- نمت .. حلمت .. فجأة صحيت
- لقيت نفسي أنا العصفور
- أنا المسجون .. أنا السجان
- أنا الجاني ..ومجني عليه
- أنا القاتل ..ونا المقتول
- فردت الكف لجل يطير
- لقيته ف ايدي كالمشلول
- رجع تاني .. كما السجان
- كما المسجون
- ومش قادر على الطيران
- #اشرف_البنا
الاثنين، 7 أغسطس 2017
يجيني النوم /// بقلم #اشرف_البنا
الاشتراك في:
تعليقات الرسالة (Atom)
ليست هناك تعليقات:
إرسال تعليق