- قصيدة عاميه
- بعنوان ( رساله )
- سايب رساله فاضيه
- مستنى تكمليها
- تكون حروفها هاديه
- وانتى بتكتبيها
- تحكى لي فيها حلمك
- ومين حرك مشاعرك
- او حتى صورة ليا
- الائيكى بترسميها
- الوانها تبقى دمي
- بروازها قصه حبي
- واوعي ابدا تخبي
- نقطة او حرف فيها
- خيالي راسم ملامحك
- سكوتك وف كلامك
- ف ايدك وف سلامك
- وأنتي بتشاوري بيها
- عدا يوم ودا التاني
- وحاجه جوايا مساني
- وجانى هامس وقلي
- إنك قربتي تخلصيها
- الرساله هي انتي
- حروفها نبض قلبي
- مستني فيها تعاتبي
- طب أمتي هتبعتيها
- كلمات/
- الشاعر نبيل محمد أمين
الأحد، 23 أبريل 2017
( رساله ) /// كلمات/ الشاعر نبيل محمد أمين
الاشتراك في:
تعليقات الرسالة (Atom)
ليست هناك تعليقات:
إرسال تعليق