- ( سنافر )
- ياريت لو كنا
- فى حياتنا دى رسمه
- زى بطوط كده وسنافر
- كنا نسافر.. بوحى خيالنا
- ونفس اللون تكون ملامحنا
- ااه لو كنا بس سنافر
- انا عن نفسى اتمنى اكون سنفور الشاعر
- وسط الغابه الخضره الساحره
- احكى مشاعر
- كده م الاخر ونعيش براحتنا
- جنب بيوتنا يعزف غنوه سنفور العازف
- وعلى نغم الغنوه
- سنفوره الحلوه كده تتمايل
- بالذمه دى عيشه كده مش حلوه
- بس ياساتر من هرهور
- ياخوفى سنافر يوم تتاكل
- فيها مشاكل
- حتى سنافر فيها عيوب
- زى ما فيها بيكون شاطر فيها كسول
- وفيها علطول اللى بيضحك ويكون مازح
- فيها كمان بيكون غاضب
- وسط سنافر تلاقى غرور
- حتى الشر
- مش فى سنافر ..بيحوم لكن
- شرشبيل بالمكر اهو ساكن
- بس انا فاكر.. بابا سنفور ..الخير ليه دور.. بيحل مشاكل
- كده م الاخر
- ياريت لو كنا فى حياتنا دى رسمه
- زى بطووط كده وسنافر
- ثابت مصطفى
الأربعاء، 26 أبريل 2017
( سنافر ) /// بقلم الشاعر ثابت مصطفى
الاشتراك في:
تعليقات الرسالة (Atom)
ليست هناك تعليقات:
إرسال تعليق