- قصيدة زجلية
- يامرا
- كرهتني فالنسا يامرا
- ضنيتك حبيبتي سع لقيت لفعة
- فقلبك الشر مطمر
- نفيتي كلمت حبيبي نبغيك
- وصرتي بكلمت الفراق معمرة
- علاش تعدبيني يامرا
- أنا اللي واعدت مانخون
- أنا حبيبك المجنون
- أنا اللي فغرامك مسجون
- نتفكر دموعك نهار قلتي لي حبيبي
- نهار قلتيلي حبيبي عمرك تفارقني
- وعمرك تنساني
- نت فرحي وحزاني
- على صبري بيك ربي جزاني
- اليوم آش طرا
- نشوف نياب الحزان علي مكشرة
- نشوفك كاوية قلبي بجمرة
- قوليلي اليوم آش طرا
- حتى وليت أنا العدو و نتي الجلاد
- نتي السيد وانا الدليل من العباد
- آه منك يامرا
- والله ما نخون العاهد واللي كون يكون يكون
- حلفت عليك يا الدال والنون
- باللي نبقى نبغيك كيف المجنون
- هديتك جنات أجمل وردة فالكون
- ياسّاقي زدني كاس باغي النسا
- بغيت نمحي إسطوار اللي كرهتني فالنسا
- كب لي كاسي والله ماناسي
- بالفراق حبيبي ريب لي ساسي
- وخلاني مجروح وحدي نقاسي
- بالله عليك سول الشمعة إيمتا يطيب نعاسي
- يا الساقي علاش الگلسة ولات ضلام
- هياكما ضمرها الغرام
- قصتي ياصاح حلال ماشي حرام
- ماني حشايشي ماني سكايري
- كاس أتاي مازين الگلسة
- ماخلاني ننسا
- هدي فخاطر اللي كرهتني فالنسا
- فخاطرك نتي يا مرا
- يوسف جنات (محكاك)
الثلاثاء، 25 أبريل 2017
يامرا //// بقلم يوسف جنات
الاشتراك في:
تعليقات الرسالة (Atom)
ليست هناك تعليقات:
إرسال تعليق