- ..........................
- حقك تعيش ..........
- صدقني نسينا حقك
- بس مش مقصود
- من قبل ما ورقك
- يبقي كمان موجود
- وحقك علينا محقوق
- مشروع ومنشور
- نسينا نسقي التراب
- والسواقي من غير
- مواشي بتدور
- والطمي كانوا
- بيحنوا بيه الجذور
- والبركة زمان الأرض
- تطرح من غير بذور
- كان فيها خير
- كان فيها نور
- كان الغراب وقتها
- بيصاحب العصفور
- والأيام جريت بينا
- من غير حساب
- ولا فكر ولاعقول
- هجرنا ابو قردان
- وعيطت عليه الزهور
- دبلت علي الأغصان
- ووقعت علي السور
- والتعابين إتسرسبت
- من خرم الجراب
- وعاشت في الدور
- والسنين مرت رهوان
- وعمرنا كان سراب
- وجري علي طول
- ولما جينا نلم الحقوق
- لقينا العمر مذعور
- لقينا عقارب كمان
- بتتلون بكل لون
- ولما جينا نفوق
- لقينا باب الأمل مقفول
- حقك تعيش وتمرح
- ولا تضرب بوذ
- وقلبك الأبيض يفرح
- وما تعيش منبوذ
- حقك علينا واجب
- في كل الكتب مكتوب
- مكانك فوق الحاجب
- مميز في كل الفصول
- .................................................
- ......... مشاعر/ حسن محمود ........
الاثنين، 3 أبريل 2017
.. حقك تعيش .../// بقلم الشاعر حسن محمود ........
الاشتراك في:
تعليقات الرسالة (Atom)
ليست هناك تعليقات:
إرسال تعليق