- نواره
- انا اللى القلب منى مات
- يا ميت مليون خساره
- عشت عزاب ومعاه اهات
- وكنت عايشها بكل جساره
- لما عدى على الزمن وفات
- حبيت انا البنت نواره
- كانت خدودها كما شربات
- تغير كل الورود من حماره
- والرموش طويلة الشعرات
- يزيد لون العيون من جماله
- والجبين نام عليه القمر بات
- لما ضاع قلبى انا خساره
- والشفايف كما سكر نبات
- تحكمو عليها من غير اماره
- والشعور ع الكتاف سارحات
- محلاها جميله زينه الحاره
- قابلتنى قلت لها انا كلمات
- وردها طال على انتظاره
- ولما اتكلمت حركت الشفات
- قلت انا العاشق ليكى نواره
- نظرة عنيها بكل اللغات
- ولعت فى قلبى ناره
- وقالت هما اربع كلمات
- الجار يا اخى ليه احترامه
- حسيت انا بزلزال وهزات
- وانجرحت منى الكرامه
- قالت لى خلينا احنا اخوات
- قلت يادى الشوم والندامه
- قلت اجى واجيب الشربات
- قالت انا مخطوبه مع السلامه
- لقيت قلبى اتخنق ومات
- ورجعت طول السكه ندامه
- كان نفسى ادوق الحلويات
- لكن كل واحد رزقه قدامه
- وليه نصيب اتأخر او بات
- لكن هيجى فى اوانه
- الشاعر /عزالدين جبريل
الأحد، 2 أبريل 2017
نواره /// بقلم الشاعر عزالدين جبريل
الاشتراك في:
تعليقات الرسالة (Atom)
ليست هناك تعليقات:
إرسال تعليق