- خواطر بعنوان(انا ابنك)
- بقلم الشاعر (عرفات الامير)
- مصر قنا المراشدة ٢٠١٧/٤/٢١١/الجمعة
- فاكراني يامصر أناإبنك أناضمن ناس كانو تايهين
- كانو فاكرين إن البعد راح يروي راح يغني عن حضنك أناإبنك
- رجعنابعد ماتعبنا بس رجعناليكي فاهمين وفيه يقين
- إن انتي ترابك حنة يامدينتي وسماكي داتوب كله حرير م الجنة
- وإن ناسك هماإللي هايشيلوا معاي الشيلة التقيلة وقت الزحمة
- سامحيني أناإبنك وغرتني الدنيا بتزاويقها
- شفت فيها مناظر كدب وبتلهي محبينها
- أناإبنك فاكراني أناإللي غشني شبابي
- أناالشيطان خلاني غاواني نساني
- خلا العين تتوه عنك عن خيرك انا منك
- ولون وجهي سمار طينك
- أناإللي حلمي كان ف يوم إني اكبر
- علي أرضك يحاوطني دفا خيرك ماليش غيرك
- أنا إللي حلمتي في يوم ازود عنك
- واحمي بكتفي حدودك وعيوني دول شهودك
- ولو ناكراني انا مسامح ماانا إللي بديت وظلمتك
- نكرت الخير وغرتني نجوم الليل وندهت لي
- يلا قوام سافر برا شوف الدنيا
- خلاص سافر دوافرك كبرت بيها عافر
- بعيد يلا أتاري الكف كان أصدق
- وخرجت ياما من توبي حتي نفسي وعزتها
- فارقتني وفارقتها كلماتي
- تاهت مني وقلت استحمل دا مكتوبي وإكمني
- أتاري الذل إني ابعد عن حضنك
- رجعت تلك وقلت خلاص
- بلاها اللف والتوهة امور خايبة
- دناأصلي ومش تقليد دنا مصري
- وأهرامي دليل واكيد
- ليه أقلد ف ناس تانية ينقصها دليل الاصل والملة
- أنا مصري ويكفيني ليه ارحل واسيب نفسي لمتاهة هاتكويني
- وحضن امي فاتح درعاته بيحضني سامحيني دنا ابنك
الجمعة، 21 أبريل 2017
خواطر بعنوان(انا ابنك) ////بقلم الشاعر (عرفات الامير)
الاشتراك في:
تعليقات الرسالة (Atom)
ليست هناك تعليقات:
إرسال تعليق