- 😪
😔قصة وجع😔
😪- موجوع يا قلبي م البني أدمين
- موجوع ومش حاسس بأيام ولا بسنين
- موجوع من فكر زي القرش براني
- لماتشوف الغل جوا ناس بتقول نفسي أكل حد بسناني
- لما ألاقي القرش في إيد الحرمين
- لما أشوف الحقد جوا بني ادمين
- لما ألاقي الغدر جوا ناس قادرين
- قصه وجع 😪😪
- ألم في صدري من كتر وجعه بنام
- ألم يجيلي حتي في الأحلام
- ألم ينبه عقلي لو نسيته قوام
- ألم يقولي ماتخافيش أنا وياكي تمام
- قصه وجع 😪😪
- كنت ماشيه مره عادي
- شفت ست قاعده عادي
- ع الرصيف كانت قصادي
- ولله يامُحسنين كانت تنادي
- مدا .إيدها للي رايح واللي راجع
- فيه بيدي وفي ولا كأنه سامع
- وفي سؤال غصب عني بيدور في ذهني
- هي فعلا محتاجالنا بجد يعني
- ولا هي بس قاعده بتشتغلني ??
- قصه وجع 😪😪
- شفت واحده وليها سامعه كل كلمه كانت تقولها
- كات بتتكلم علي واحده غيرها
- زميله برضه زي وزيها وزي غيرها
- كانت بتقطع ف فروتها😔
- وبسكينه تلمه دبحتها وسلختها
- وكأنها بتقول اشعار ف حقها
- وفجأه??
- وف عز الإندماج .لقيتها بتغير كلامها
- بكل حب وكل خير وموده قلبت كلامها
- لسه هااقوم واقول ايه جرالها
- لقيت قصادي صاحبه الفروه اللي تم تقطيعها
- من شده المنظر. بجد ما إستحملتش 😔
- نديت علي النمامه ، انا أصلي ما إستحملتش
- سألتها قولت أعرف إيه عذرها قالتلي مفهمتش
- قولتلها حرام وسيبتها وضحكت هي وما إهتمتش
- قولت ياسلام عليكي حربايه متلونه ومنها بكش
- ومرسوم علي وشك الف وش ،ووش
- ياسلام عليكي عندك طريقه مقنعه ف الغش
- قالتلي فُكك بقي أنا غيرت كلامي عشان بقي ماتزعلش
- وطبطبت علي كتفي وقالتلي خلاص بقي معلش
- وخرجت وراحتلها والضحكه ماليا الوش😔
- وكأنها لا قطعت فروتها .وكأنها مانمتش
- وعجبي عليك يازمن فيك الأصيل متهان
- والغشاش فيكي قلبه حجر صوان
- وأبو قلب قوي بيجي ع الغلبان
- وبكره راح اكمل ألف قصه وجع مرت علي الانسان
- سلام عليك يازمن
- والله الف سلام
- 😔
🌹😔 - تحياتي
- بقلمي
- ايمان محمد
الأربعاء، 19 أبريل 2017
😔قصة وجع😔 /// بقلم الشاعرة ايمان محمد
الاشتراك في:
تعليقات الرسالة (Atom)
ليست هناك تعليقات:
إرسال تعليق