- السموات تذيع عن مجد الله
- و الفلك بيتكلم عن عمل يديه.
- مش مطلوب من الانسان
- غير انه يتنبه و يسمع
- و يبص حواليه.
- ياريتنى طير أطير فى العلالى
- عشان أقرب ليه.
- يا ريتنى شجرة
- يعشش فى جذعها طير
- تحضن غصونها صغيره
- و تحافظ عليه.
- ياريتنى صوت عالى
- يصرخ فى كل الدروب فى البشر
- يقوللهم
- بتمتوا فى بعض ليه.
- ده الأرض واسعة واسعة
- ضاقت بيكم و لا ايه.
- ياريت
- ما أملكش غير كلمة ياريت.
- لكن متأكد ان ربنا بيحقق الأمانى
- و يا ريت يحققلى أمنيتى
- و يرجع الانسان
- انسان من تانى .
- يا ريت.
- الشاعر العجوز
- مرقص اقلاديوس
الاثنين، 26 يونيو 2017
السموات تذيع عن مجد الله // بقلم الشاعر مرقص اقلاديوس
الاشتراك في:
تعليقات الرسالة (Atom)
ليست هناك تعليقات:
إرسال تعليق