- #قصه_صابرَه
- هحكيلكم قصه صابره
- اللي عدَت التسعين
- كانت تمشي ولا يهمها
- نظره ابن العشرين
- وف يوم قطعها
- اللي اتربي تحت ظلها
- نكر جميلها ،كانوا والدينها
- احمد وحسين
- اللي قرروا فجاه حبسها
- في دار المسنين
- اللي سهرت الليالي عليهم
- اللي ضحت بشبابها ليهم
- يبقي ده جزاتها ..
- تعيش بقلب حزين
- اللي الجنه تحت اقدامها
- ما لقيتش اللي يكون عليها حنين
- ابكي يا عين
- وموت يا قلبي
- راح ابوهم الزين
- وهجرني حتي كلبي
- خلاص انا هصبُر
- مانا اسمي صابره
- ومن احزاني هعبُر
- وهكون للخواطِر جابرَه
- واللي ظلمني في يوم
- مش هكرهه، مسامحاه
- وهدعي يجيلُه الفرح بالكوم
- ويكون الخير دايماً جواه
- اصل اللي بقيت ام لولد
- غير اللي جابتُه وعندها اتربي
- زي الفرق بين اللي اتجلد
- وبين اللي مسك مروحه ريش واتخبي
- هفضل عايشه علي امل
- انهم ييجوا ياخدوني
- ومن قساوه العالم يداروني
- ومن عيون الناس يخبوني
- وكانت بتواسي نفسها وتقول
- انا امهم مش معقول هيبعوني
- انا ربيتهم في صغرهم وحميتهم
- واستنيت اليوم اللي ييجوا فيه يحموني
- الكل اتخلق من طين
- وف ناس قلوبها من حجَر
- زي اولاد صابره احمد وحسين
- اللي ياريتهم كانوا شجَر
- #صالح_المصري
الأربعاء، 14 يونيو 2017
#قصه_صابرَه بقلم الشاعر صالح المصري
الاشتراك في:
تعليقات الرسالة (Atom)
ليست هناك تعليقات:
إرسال تعليق