بلادي حبي الكبير /// بقلم الشاعر ادريس جبيلو

1. 
   
2. 
   
3. بلادي حبي الكبير
4. 
   
5. رقمم3
6. 
   
7. 
   
8. بلادي يابلادي
9. 
   
10. ياٱرض جدادي
11. ياورت اولادي
12. ياحب الامير
13. ياكرم الوادي
14. ياورد الجرادي
15. ياحروف مدادي
16. ياحبي الكبير
17. انا العطاوي
18. انا الهداوي
19. اللي بكى وماشكى
20. وحكى وما اتحكى
21. انا الراوي
22. انا العلوي
23. انا حب البلاد
24. كاين شي شتا الجواد
25. راه نشف داك الواد
26. وصبحت الشكيمة ف خطر
27. والوتد تقيد ف المحضر
28. والخيمة ف المخطط الاخضر
29. تعاني من جرحة الضفر
30. وغمزة من مور الشفر
31. ايه على ايام الجوجة
32. ماكانت الاحلام عوجة
33. ماكانت الدبابن مگوجة
34. وقلة الدين م العينين خارجة
35. يالمهداوي
36. ياداك الصحراوي
37. لسانك بتمر النخلة داوي
38. ف ودن المخ الخاينة
39. تسمع وتگول ماكاينة
40. تسمع وتطرش
41. تصفق مع موالين الرش
42. سول رمل الصحرا
43. سول حبوب التراب
44. إمتى تحلى النضرة
45. والهدرة ف حروف الغراب
46. سول الگمرة
47. على ديك الجمرة
48. الشاعلة بعشقك يابلادي
49. بوتاق العشرة
50. باحلام راجل وامراة
51. المغزولة حرير
52. لقايد التحرير
53. الملك المقتدر
54. الاب والامير
55. زغرتي وفرحي يابلادي
56. هادوك راهم ولادي
57. معهم نقسم زادي
58. واللي ضاع نبكي عليه
59. آداك الجبلي ٱمول ترازة
60. من هنا حتى ل تازة
61. واش التراث فرطتي فيه
62. ياالسعدية آالجبلية
63. فين الطرابق فين الشاشية
64. فين المنديل فين السبنية
65. فين طقطوقة فين الكرزية
66. بالزغاريت عيوعة مسقية
67. بالطبل والغيطة مهدية
68. بلادي يابلادي
69. ياٱرض جدادي
70. ياورت اولادي
71. ياحب الامير
72. ياكرم الوادي
73. ياورد الجرادي
74. ياحروف مدادي
75. ياحبي الكبير
76. يتبع....
77. 
    
78. 
    
79. بقلم ادريس جبيلو
80. 
    
81. المغرب