- مين اللى قالك
- ...........
- مين اللى قالك قررى
- انك على بعدى تقدرى
- لو عقلك كان قالك كدا
- وهم وخيال متصدقيش
- لو غبتى يوم زى سنه
- هنساكى من قلبى انا
- ولو انتى ناويه ترحلى
- اتفضلى وما ترجعيش
- ..........
- ولا عمر عيونى هتدمع
- او حتى هتذلل واركع
- وانتى عليا هتندمى
- وتباتى تبكى وتحلمى
- ولو بكيتى ميت سنه
- صبحت دموعك متساويش
- ولو انتى ناويه ترحلى
- اتفضلى وما ترجعيش
- ..........
- ماترجعيش وماتخافيش
- انا مش هقول غدرت بيا
- لكن هقول ان الفراق
- مش بإيديها ولا بإيديا
- و زى الدنيا ما ضحكت ليها
- ضحكت نفس الضحكه عليا
- اتاريها راحت من سكه
- وانا ماشى مش نفس السكه
- وياعينى تاهت ف السكه
- وألف خساره ما قابلتنيش
- ......................................
- محمد مكاوى
الخميس، 8 يونيو 2017
مين اللى قالك/// بقلم الشاعر محمد مكاوى
الاشتراك في:
تعليقات الرسالة (Atom)
ليست هناك تعليقات:
إرسال تعليق