- ســــــــؤال
- هفضفض لمين ؟
- رغم انى تايه جوه نفسى
- والمسافه بينى وبين
- قلبى سنين
- لا عاد فى القلب شئ يفرح
- ولا عادت دموع فى العين
- الليل صَبحْ شَبحْ مرعبْ
- والنهار عزاب لعين
- لا عاد صحاب
- ولا أحباب
- ولا محراب
- ولا ناصح بأمر الدين
- ***
- هفضفض لمين ؟
- وانا الوحدانى من يومى
- غريب وحتى فى هدومى
- بتْلام يا نفْسى ما تلومى
- وسبينى اتهنى ليله بنومى
- دا انا الوحدانى والمسكين
- أنا مين ؟
- أنا فين ؟
- أنا اللى عايز أفضفض
- ومش عارف هفضفض لمين
- شاعر القريه
- فيصل بدر
الاثنين، 5 يونيو 2017
ســــــــؤال هفضفض لمين ؟ /// بقلم الشاعر فيصل بدر
الاشتراك في:
تعليقات الرسالة (Atom)
ليست هناك تعليقات:
إرسال تعليق