لابسه الطرحة
(مشاعر أم لحظة زفاف إبنتها)
////////////////////////////////////////
دمعتي نزلت فاجئه ...... مني
دمعتي نزلت غٙصبٍ........عني
رغم إن أنا مبسوطة............. جداً
رغم إن أنا طايرة من........ الفرحه
لكن دمعتي نزلت................ مني
واٰنا شايفاكي لابسه........ الطرحه
ماتخيلتش تبعدي ......... ..... عني
ولا اشوفكيش كدا اول ماأصحي
بفتكرك وإنتي زغنطوتة
بضفاير أجمل........ بنوتة
بدعيلك دايما......ً من قلبي
القاكي راضية ومبسوطة
وافتكرك لما ........تعانديني
والفكر يجيبني ويوديني
وأما بتيجي قوام تراضيني
من قبلها أنا بابقي نسامحه
دنا شايفاكي لابسه الطرحه
........ ......... ......... .......... ......
أهي بنّوتّك بكره تشرف
وتجربي احساسك.... بيها
بكره هاتتأكدي وهانعرف
إنك عايشه حياتك.....ليها
بكره هاتتمنيها في بيتها
وتبقي سعادتك من سعادتها
بكره تعيشي نفس اللحظة
وهي عروسة ولابسه الطرحه
وتِلقي دموعِك نازله .. بفرحة
كلمات / شرف الدين فاروق أحمد
ليست هناك تعليقات:
إرسال تعليق