مشتقالك يا حبيبى مشتقالك
مشتاقه يابا لعطفك محتاجه لحنانك
وحشتنى لمتنا
واخواتى وعيلتنا
ووجودك بينا بأنوار ك
وبحكا ويك الجميله
وبحلاوه كلامك
وحشنى صوتك بالقرّّآن
كان صوتك ولاالكروان
وكل ما تختم أقولك لا كمان
ولا لما كنت بترفع الآذان
والناس تعشق صوتك
ويسحرها أذانك
وتصحى للصلاه
ويعجبها دعاءك
وبعد مارحت منى
وبعدك الكل غاب
متشوقه لنظره عينيك
وعطفك وسلامك
ومحبتك وخوفك عليه وحلاوه ابتسامك
بتمنى أبوس تانى إيديك واقدامك
نفسى يابا ألاقيك قدامى بروحك وكيانك
من يوم مارحلت عنى
الدنيا بتعذبنى
ونسونى أحبابك
والكل يابا اتغير
وبقو زى الزمان
اللى غدر
واللى نسى عهده وخان
واللى قسى قوى عليه
ومن قساه بكى الأيام
خلى الدموع تسكن عينيه وتصاحبنى الأحزان
واللى قال الملعب فضى خلاص وبان
لا عاد أحباب ليه ولا خلان
هيجامل مين يابا
وجرحى ع الكل هان
ماضاع الحمى ليه
وراح مني اللى كان
بألف هيبه وهيبه
و يتعمله حساب
اتفض الجمع يابا
ولا عاد أحباب
ولا حد يسأل عليه
ولايفتحلى باب
بقيت وحيده فى دنيا غريبه
إنت فين أنا محتجالك
ليلاتى ببكى عليك يابا
وعلى حبك وحنانك
وأبكى على فراق أخواتى
وأمى وقسوه غيابك
وبقيت وحيده فى دنيا غريبه
تاه فيها كل كلامك
والناس بتستغرب لطيبتى يا با مانا لسه ماشيه بعاداتك
الكل أتغير وأنا فى مكانى ثابته لسه منستش علامك
اللى يقول بلهاء واللى يقول طيبه
واللى يقول الله يرحم زمانك
مانا بقيت نكره فى أيام مش زي أيامك
ايمته الزمان ينهى الأيام ويضم رفاتى برفاتك
والله مشتقالك ياحبيبى ومحتجالك
انامشتقالك ياحبيى مشتقالك
اميره العذااااااااااب
ايمااااااااااااان محمد
ليست هناك تعليقات:
إرسال تعليق