أنا النسيان
****************
أنا شاهد عليك يازمان ياتوب الذل والحرمان
بيبان العدل مقفولة وداب الفَرحْ فى الأحزان
خيوط الجرح مجدولة وفوق جسر الألم بركان
واه منك غريب يازمان
أنا شارب سنينك صبر وكان نفسى أعيش إنسان
وتضحك ليا ايامى واحلامى تكون ألحان
تعزف فوق وتر مشدود يهد الظلم والطغيان
واه منك غريب يازمان
فيك اللى باع واللى إشترى واللى صاين واللى خان
وأنا اللى إخترت فيك أحلم ومش لاقى لوهمى مكان
وأنا الذكرى أنا الماضى أنا الحاضر أنا الغايب وأنا النسيان
محمد سالم
ليست هناك تعليقات:
إرسال تعليق