ريشة ندّى............ \\\ بقلم الشاعر صلاح محمود عفيفى

ريشة ندّى.........................
زّف الربيع فرحة هّنا
ودّق سهم العشق
ب إدين السّنا
ولّفتّ القطفه المطاف
من غرفة الوجع الجميل
ّطّليت أنا
شايل ف مخلة ضحكتى
أجمل مُنى
شّبيت ياراشقنى سهام
شُفتك مقاسمنى الأمل

ضحكت لي وضحكتلك

والهّنا المتحّنى جمبك

عّمال يدّور ف ابتسامتى

مستنى اترجم له الحروف
رغم اشتياقهُ الوّأوّأه
جّمعتهالكم بالعدد
ونطقتها
هيّا الزهور وإنت الربيع
وأنا كلمة الحب اللى بينكم
شّبيت ياراشقنى سهام
خدتنى صّليت وراك
خارجين قطوف البسّمله
ناقصين حروف
عشان م أشوفنى
ف الصفوف
لحظة سجودك ب أشبهك
تحكيلها تضحك من ورايا
شّبيت يا راشقنى سهام
شربت من صوتك
مشيت
لفّيت شواشى فرحتى
على قلب عودك
ونسيت وأنا جوه الأمان
إن الزمن راسم حدودك
قاسم م بين عُمر الزهور
على سكتك
أحضان تفوتك
ليه سبتنى
ده أنا كنت راسم للمّدى
بريشة ندّا
أحلام تعوزك
ليه سيبتها
للنار على جدار الخريف
ومشيت ياراشقنى سهام
هاجت على جبينى الجروح
لما بكيت فيك الحروف.......!!!!!!!!
شعر

• صلاح محمود عفيفى