- التوت
- ،،،،،،،،،،
- كام عام يفوت
- واحنا لم ناكلك يا توت
- م عندناش الوقت نطلع
- ع الشجر أو ع البيوت
- نمسك فى فرع ونعوجه
- ونملى الأوانى والطشوت
- أو كنّا نقعد ع الشّواشى
- ناكُل ،،، نغنّى بأحلى صوت
- زمن الرّواقة دا فات
- زي أي جميل يفوت
- وحياتنا صبحت خطر
- زي بيت العنكبوت
- بنمُر وف لمح البصر
- ميلاد شباب بعدين نموت
- ولا حد غير الله باقى
- مالك الملك والملكوت
- جمعة عبدالجواد
الأربعاء، 3 مايو 2017
التوت /// بقلم جمعة عبدالجواد
الاشتراك في:
تعليقات الرسالة (Atom)
ليست هناك تعليقات:
إرسال تعليق