بُرج حمام
يابُرج فاضِى حزين
قُوللّى حَمَامك فَين..!
خايف يكُون انْدَبَح
بِإيد بَشر خاينين
ولاّ هِرب مِ الفزَع
خايف من التعابين
أصل الحمام حسّاس
عاوز حنان وحنين
ماعجبش طَبعُه الناس
ما هُو أصلهم قاسيين
نَصُبوا شِباك الغدر
واتسَنّت السكَاكين
وأجبرُوه عَ الهَجر
أصلُه حمام مِسكين
ياالدّبح يايسيب بُرجُه
يختار مابين الاتنين
دا الظلم برضُو حرام
والقسوة سِم لعين
ضِعت أوَام ياحمام
ضِعت فى غمضة عين
مافضلش غير ريشك
وعِش أَشْ وطِين
..... سيد عبدالوهاب
ليست هناك تعليقات:
إرسال تعليق