- قصيده بعنوان.... الجندى المصرى
- ع الجندى المصرى
- أوعاك تقول وماتحكيش
- واقف أسد أجدع ولد
- ضهره حديد مابينحنيش
- وإن جاه عدو
- يفرم عضام اللى جابوه
- زى القراقيش
- فى وسط صحرا
- ووسط ميه يقدر يعيش
- عنده مبادئ
- شجاع وصادق
- على الآسير مابيفتريش
- وف المعارك
- حافظ كيانه
- واقف مكانه
- سلام سلاح
- ناوى الكفاح
- ف الهمه زيه ماتلقيش
- من الأعادى
- حافظ بلادى
- صاين حدودها
- راعى صمودها
- فى دمه تجرى
- روح البطوله مابتنتهيش
- شهد له التاريخ
- على البساله
- والساسه تعبوا
- من القواله
- الجندى المصرى
- زيه مافيش
- كافح سنين
- رفض الأهانه
- حقق لبلده
- أفضل مكانه
- عمر وصلح
- حفظ الأمانه
- وقال يابلدى
- روحى فداكى وماتبكيش
- كسر اليهود
- حفظ الحدود
- رفض المذله والتهميش
- وقال بلادى
- عشان ولادى
- وتاريخ أجدادى
- لازم يعيش
- هو ده ابن البلد
- هو ده اجدع ولد
- وهو زادنا والسند
- واللى فى يوم
- قالها صريحه
- تعيش بلادى
- وأموت أعيش مايهمنيش
- ياكل جاحد
- وياكل غافل
- يااللى بتشمتوا
- ف المحافل
- إنسوا اللى عدى
- واللى فات
- مش معنى مات
- منا شهيد
- يبقى اللى باقى
- منا مات
- وأسمعونى من سُكات
- لما نجيب
- حق الشهيد
- يبقى الشهيد
- عمره ما مات
- يااللى نسيتوا
- أحنا مين
- أقروا التاريخ والذكرايات
- كلمات الشاعر محمد ثروت عبدالحفيظ
الأحد، 10 سبتمبر 2017
الجندى المصرى /// بقلم محمد ثروت عبدالحفيظ
الاشتراك في:
تعليقات الرسالة (Atom)
ليست هناك تعليقات:
إرسال تعليق