- إرجع يازمان
- ماترجع يازمان
- رجّع كُل اللّى كان
- رجّع لِينا حبايب
- كانوا ضهر وأمان
- رجع لينا اللّى غايب
- وناخده بالأحضان
- رجّعنا من البداية
- نكتب تانى الحكاية
- ونعيشها لِ النهايه
- قصة حياة إنسان
- رجّعنا تانى عِيلة
- ويّا الصُحبة الجميلة
- وحاجات يامَا أصيلة
- رميناها فى النسيان
- رجّع لِينا قلمنا
- نِداوى بيه ألمنا
- ونرسم بيه عالمنا
- نكتب أجمل ديوان
- رجّع لينا أملنا
- دا احنا اليأس قتلنا
- وشوف اللّى جَرَى لْنا
- لمّا فات الأوان
- رجّع فينا الحِنّية
- رجّع خَجل الصَبيّه
- وورُود لِسّه نَدّية
- بتنَوّر البستان
- رجّع فِينا ضميرنا
- علّمنا نحب غيرنا
- يبقى العدل كِبيرنا
- ونُحكم بالميزان
- رجّع أحلامنا تانى
- رجّع سِحر المعانى
- رجّع أجمل أغانى
- عايشه فى الوجدان
- إرجع يازمان
- بقلم/ سيد عبدالوهاب
السبت، 16 ديسمبر 2017
إرجع يازمان /// بقلم سيد عبدالوهاب
الاشتراك في:
تعليقات الرسالة (Atom)
ليست هناك تعليقات:
إرسال تعليق