متغربين واخدنا تاشير السفر
من غير ما نقطع تذكره
ولا جه ف بالنا يوم سفر
ولا حتى نوينا الرحيل
ورجعنا قولنا لنفسينا
طب ليه
لملمنا خلقات الرحيل
ونوينا ترحالنا
لاحد فينا سأل
ولا حد عبرنا
ولا حد بينا اهتم
ولا حتى قدرنا
صدر قرار الرحيل
ولا حد أخطرنا
العمدة هو الدولار
يتحكم في اقدارنا
وركبنا آخر موجه
كت ماشيه ف الزفه
عروسة نبتها أخضر
لسه طرحها مارماش
عروسة تايهه الملامح
مش لابسه فستانها
وناس كتير مستغربه
على آب باع بنته
عريس عمره يدوب
فوق المعاش عشرين
ووصلت آخر مرحلة
من حدود الاغتراب
واتفرقت بينا السكك
لاعرفنا امتى راح نعود
أو امتى نسمع عزف عود
ولا النايات تنده لنا
علشان نعود
والعزف لازم ينفرد
على ناى ياعود
مش انتى اللى
تحطى مسكره
واحمر خدود
دنتى جمالك ياقمر
فاق الحدود
محمود الأسواني مصر
ليست هناك تعليقات:
إرسال تعليق