- يا قدس الله معك ما عاد لك اخوان
- اخوانك تاّمرو وللغير باعوكي
- نسيو الاْقصى الشريف وسورك العليان
- عهد الاخوه خانوه وانتي خانوكي
- يا قدس لا تزعلي عللي جرى والكان
- الاحرار لسه بعدهم عم يحبوكي
- لو زوروكي لهم عاصمه الامريكان
- وببحر ظلم وحقد يا قدس رميوكي
- هامك ولا بنحني شامخ ولا بينهان
- لو قد ما يحاولو حتى يهودوكي
- لا تنسي الله ابتلا الورد بشوك خوان
- مهما استغثتي ما ظن انهم ينجدوكي
- يا بنت ارض الانبيا العاليين الشان
- يا ما بعطر القداسه الفاح شموكي
- انتي لروحي حياه وعشقي الك ادمان
- من نبض قلبي ما رح يقدرو يشيلوكي
- اهلك ع عهد الوفا الابطال والشجعان
- الغالي برخص الك بالروح بفدوكي
- مهما عليكي بتتكالب قوى الطغيان
- عنك ما بتقاعسو وعا طول بحموكي
- ==== محمود شبيب ====
الخميس، 14 ديسمبر 2017
يا قدس الله معك /// بقلم محمود شبيب
الاشتراك في:
تعليقات الرسالة (Atom)
ليست هناك تعليقات:
إرسال تعليق