(الحياه تحلو بيك)
شعر غنائي
رمضان الخربوطلي
نُشرت بجريدة البحراوية
..............................
حبيبي ياعمري اللي جاي
وياعمري اللي فات
أعاهدك بإني منساكش أبدا
وحبك ده عمره ماحيكون
ذكريات
دانا وياك ياعمري
باعيش أجمل ساعات
وفي قربك هنايا
بدوقه في كاسات
والفرحه جوايا
طول ماانت معايا
بتحضن في الأهات
.........................
الحياه تحلو بيك
والهنا اشوفه في عنيك
والهوى يشوقني ليك
والله ماأحلى الحياه!
دانت ليا ضي فجري
كل عمري كل مااتمناه
وانت جنبي كل فرحه
تمر بيا والزمان
ينسى أساه
والهنا يزوق عنيا
والليالي وهيا جايه
جايبه كل السعد ليا
والله ماأحلى الحياه!
........................
رمضان الخربوطلي
ليست هناك تعليقات:
إرسال تعليق