/// لمسة حنان ///
يا عيون ماليه الكون ضي
يا لمسه كلها حنان
تهت ما بين الاحضان
ضميني كمان وكمان
عايز انسى الهموم اللي في
يا عيون واسعه ورموش عاليه
يا ضحكه وسط الضحك غاليه
ضميني في حضنك ثانيه
ده حضنك مالوش ذي
انتي غير كل البنات وده يقيني
ازقيني من شفايفك ازقيني
وامانه لو اتسطلت فوقيني
وارويني من حنانك ري
واياكي تخلي ما بينا باب
ده قلبي خلاص في حبك داب
ولو تغيبي تلاقي الفكر عني غاب
ده انا ليكي وانتي لي
يا ساكنه حياتي واحلامي وخيالي
ما تحلى غير بيكي الليالي
لو تبعدي الهموم علطول جيالي
ده انا بحس بيكي وانتي بتحسي بي
ومهما الأيام علينا تفوت
حفضل عاشق كلامك ويا الصوت
ده انا من غيرك راح أموت
قربك مني راح يخليني حي
///////////
الشاعر /ابراهيم
ليست هناك تعليقات:
إرسال تعليق