- قصيدة / وحشنى يابا وحشنى يابا ومن زمان مشتاق إليك.
- وحشانى النصيحة نظرتك مسكت ايديك.
- وحشانى لمتك والكل كان من حواليك.
- فى وجودك يابا الزمان كان غير الزمان.
- فى وجودك يابا القلوب كان ماليها الامان.
- بتكلم معاك وعارف انك مش سامع كلامى.
- بتكلم معاك يمكن فى يوم يوصلك سلامى.
- كتير بحلم يابا انك مسافر وراجع تانى.
- وهفضل استنى رجوعك مع أن الدنيا وخدانى.
- نفسي اشوفك يابا واشكيلك كل احزانى.
- بتمنى ترجع واخدك من تانى فى احضانى.
- بتمنى يابا ترجع وتلم اخواتى من تانى .
- فاكر يابا زمان لما كنا لسه صغيرين.
- كنت معانا ومخلينا لهموم الدنيا مش شيلين .
- كنت قائد للسفينة كنت زارع الحب فينا.
- عبرت بينا بحر الحياة ومن بعدك الكل تاة.
- ادعيلى يابا لانى انا محتاج لدعاك.
- ادعيلى يابا انى أكون فى الجنة معاك.
- عارف ان المفروض انا اللى ادعيلك.
- لكن يابا هو فى بشر يدعى لملاك.
- شعر / كمال البنا
الثلاثاء، 9 يناير 2018
وحشنى يابا وحشنى /// بقلم كمال البنا
الاشتراك في:
تعليقات الرسالة (Atom)
ليست هناك تعليقات:
إرسال تعليق