- شايفك
- شايفك ليه دايماً مِتعكّر
- عمَّال تحسب كده وتفكّر
- عمّال تحسب تجمع تضرب
- وشّك لُونه بيقلب أحمر
- سِيبها ياسيدى بقَى عَ المَولى
- واعمل طيّب وبلاش مُنكر
- سِيبها لربّك هو الأَولى
- عاوزك تِفهم بَسْ وتصبر
- واوعاك تيأس مرة وتزعل
- مَهما هايحصل لازم تُشكُر
- إوعى همومك تكسر ضهرك
- خلى عزيمتك دايماً أكبر
- إرسم حلمك من غير يأس
- جنب جمال وردك واتصوّر
- واتعلم من درس الأمس
- إزاى تبقى ياسيدى الأشطر
- واحضن دايماً نور الشمس
- واوعى تقول كلمة مش هاقدر
- ............
- سيد عبدالوهاب
الاثنين، 8 يناير 2018
شايفك /// بقلم سيد عبدالوهاب
الاشتراك في:
تعليقات الرسالة (Atom)
ليست هناك تعليقات:
إرسال تعليق