- بتحبها؟
- شايل اشواقك عندها؟
- ماسك بايدك قلبها؟
- حبك بيقول ايه العمل؟
- طب روحلها
- وابقى افتكرنى وقولها
- قلبك دا ملك ليا انا
- مسجون ف قلبى كام سنه
- حبى سنام عبى الامل
- مخزون الصبر يحتمل
- يكون نفد...يدوق كبد
- او حتى قد صابو العمى
- لكنه نبته م الوتد
- عمرك سمعت امل يمل؟!!
- دا حتى شوك الورد دل
- على الامل
- وقت اما فتح للوجود
- ساعة ما سبح للموجود
- ياسمين وفل
- بتحبها؟
- شايل اشواقك عندها؟
- ماسك بايدك قلبها؟
- حبك بيقول ايه العمل؟
- طب روحلها
- وابقى افتكرنى وقولها
- طرزت روحى نغم ف تل
- وفردت حبى على الهوى
- شطبت حرف لاسم ذل
- ودوست على الكرامه انا
- ولا عمر دمى ف يوم يكل
- ينضخ امل لحبنا
- مهما الحنين يميل لها
- علشان العشره اصلها
- للحلق ريق قادر يبل
- ويقولها
- زيك كتييير مانتيش انا
- وروحلها
- هاتشوفنى خيال ف وشها
- تلمسنى طيف ف طرفها
- والشوق راح يهرب منها
- ويجينى نزيفه دموع جبل
- لو كنت صحيح بتحبها
- طب روحلها
- سلم كتير على قلبها♡
- امل يونس
الجمعة، 8 سبتمبر 2017
بتحبها؟ /// بقلم امل يونس
الاشتراك في:
تعليقات الرسالة (Atom)
ليست هناك تعليقات:
إرسال تعليق