- ( صرخة )
- ************
- تأليف أ / عبد الرحمن فتحي الحناوي.
- *****************************
- كتبت في يوم الخميس الموافق السابع من شهر سبتمبر عام 2017 . ( تضامنا مع مسلمي الروهينغيا )
- ************************************
- اعمل ما بدالك واقتل كمان وكمان *
- وقطع لحوم البشر وخلع لهم أسنان *
- واشرب من دمهم يا بوذي بكل أمان *
- لكن خلي بالك دا المسلم عليك غضبان *
- وبكرة يطفي ناره ويثور كما البركان *
- ويعلم الدنيا ازاي يحمي شرف إنسان *
- الحملة زادت عليك والشعب مش نعسان *
- والحل كله ف إيديك والمسلمين شجعان *
- يا ( نوبل ) حرام عليك هو انتا صحيح ندمان *
- جايزتك للسلام راحت ل ( أسونج ) من زمان *
- لسفاحة تقتل وتظلم ف شعب فقير عدمان *
- عايش في أمان الله في منطقة ( أراكان ) *
- أرضه هيا عرضه لكن تركها وهوا حزنان *
- بكرة التاريخ يشهد علي كل واحد خان *
- واتخلي عن إخوانه وعلي كل حاكم غفلان *
- ضموا الأيادي وهبوا وافعلوا شئ يبان *
- وبكل مسلم رحبوا وافتحوا كل البيبان *
- وانقذوا مسلمي ( بورما ) من كل ذل وهوان *
- صرخت واتمني صرختي توصل لكل مكان *
- وتهز قلوب أحرار وتزلزل كل الجدران *
- ويسمع الناس صوت حياري خلف القضبان *
- دي قضية كتابها مفتوح يشهد كدا السجان *
- بتموت روح ورا روح والبوذي واقف فرحان *
- يا مسلمين فينكم عايشين مع الطرشان *
- لاحس باين منكم ولا خبر ولا عنوان *
- يارب نصرك قريب عليك بعرش الطغيان *
- ورينا فيهم يوم وانصر أهل الإيمان *
- واحفظ بلادي واحمي أبطالنا الشجعان *
- وافتح بلاد العرب للمظلوم ف كل أوان *
- وانتفم ممن ظلم وظلمه انكشف وبان *
الجمعة، 8 سبتمبر 2017
( صرخة ) /// يقلم عبد الرحمن فتحي الحناوي.
الاشتراك في:
تعليقات الرسالة (Atom)
ليست هناك تعليقات:
إرسال تعليق