- قالوا الودع موصوف
- للي إنشغل باله
- قولت أروح وأشوف
- بختي أنا ماله .... (فلكلور مصري)
- ........................
- روحت لواحد معروف
- ضرب الودع يحلاله
- دخلت وكنت مكسوف
- قعدت علي شماله
- نطق و تمتم بحروف
- كانت غريبة أفعاله
- كنت قاعد ملهوف
- عايز أعرف اللي قاله
- قلبي ميت من الخوف
- مقلوب ياناس حاله
- رمى الودع في صفوف
- عالأرض كده قباله
- قاللي بختك مخلوف
- الحظ ما يصفاله
- قلبك بالهوى محفوف
- والحب ما يهناله
- قمرك نوره مخسوف
- غايب عنه جماله
- نهارك بصره مكفوف
- ليلك أسود مجاله
- لحن وجعك معزوف
- والحزن مواله
- بقيت قاعد مكتوف
- ودموعي عالخد سالوا
- مصطفي محمد.. ابوزمان..
الاثنين، 19 فبراير 2018
قالوا الودع موصوف // بقلم مصطفي محمد.. ابوزمان..
الاشتراك في:
تعليقات الرسالة (Atom)
ليست هناك تعليقات:
إرسال تعليق