- خيوط القصيدة تالفة
- مالك كاتعاير وأنا غير شاعر عجبنو ااحروف
- معاهم مايحس بالخوف
- فقصيدتو الناگة ترضع خروف
- غي بقا تشوف
- حيت الشوف مايبرد الجوف
- مالك كاتعاير
- وأنا غير طوير طاير
- فالسما حاير
- فأرض العرب ماعاد فاهم واش ساير
- كان ينزل يتمعش من غلت البحاير
- الله الله يفك الوحايل
- هزو يالخوت الكفوف
- باش يعود النضر لرائس المكفوف
- نرجع نعيش أنا ووليد حيت ضيافت النبي تلت يام
- ماشي شلا عوام
- الواقع مر عليها تعلقت فحبال الوهام
- فيه نحس راسي علام
- فيه الرما تصدح بزين الكلام
- سوريا الغالية ليبيا العالية حلبنا ليكم النور من بزولت الضلام
- جبنا الفرح من ضلعت القرح
- سمعونا يالخوت الصلا والسلام
- ماتعيارش يلاجيتك لاجئ
- حيت تا أنا بغيت نعيش
- كرهت الدل والتهميش
- كرهت الرصاص وصوت آه الدرويش
- كرهت كلمت با فمراكب الموت لاتمشيش
- لا تعايرنيش
- هاكدا حكمت الضروف
- نتلف فتوب خفيف ونت يالصاح فالصوف
- شي هاز مدفع شي رشاش
- وأنا من هربة لهربة كيف الخروف
- لاتعايرنيش يلا خيوط القصيدة تالفة
- يوسف جنات محكاك
السبت، 3 فبراير 2018
خيوط القصيدة تالفة /// بقلم يوسف جنات محكاك
الاشتراك في:
تعليقات الرسالة (Atom)
ليست هناك تعليقات:
إرسال تعليق