- ليل
- ليل وطال --والقمر كان فى كسوف
- خاف ليظهر ---يكتشف حرمان وخوف
- كلها حبة ظروف
- فيها طارئ
- والطوارئ دى حروف
- طفل ماشى فى سكته
- بس كاتم ضحكته
- والطريق مليان بشوك رغم الحفا
- اصله محروم م الدفا
- وشيج ومحنى بشيب محنى بحنته
- بس حابس دمعته
- وزوجة ثكلى وحايرة بالايتام
- وليل طويل وازاى تنام
- والهم كان وبإيه وكام
- طل القمر حسب حسابه فى المنام
- الحلم جايز يحيى صورة مييته
- يجمع قلوب متشتته
- والرب فى الليل سامع اهات التعبانين
- يدعوا ويكملو بآمين ودعاء مجاب
- والليل ينفض ضلمته بفجر السحر
- يبكى القمر والشمس تمسح دمعته
- ونهار بلون ابيض بيبدأ صفحته
- #مصطفىقمر
الأحد، 3 سبتمبر 2017
ليل // بقلم #مصطفىقمر
الاشتراك في:
تعليقات الرسالة (Atom)
ليست هناك تعليقات:
إرسال تعليق